Astanada jáne Aqmola oblysynda boran týraly eskertý jasaldy
ASTANA. 19 naýryz. QazAqparat - 19 naýryz kúni Astana qalasy men Aqmola oblysynda burqasyn bolady. Bul týraly QR TJM «Qazgıdrometke» silteme jasap habarlady.
«19 naýryz kúni Aqmola oblysynyń keı jerlerinde burqasyndatyp, ońtústik-batystan soǵatyn jeldiń kúshi sekýndyna 15-20 metrge deıin kúsheıedi. Astana qalasynda ońtústik-batystan soqqan jeldiń jyldamdyǵy keı ýaqyttary 18 m/s-qa jetedi. Kúndiz daýyldy jelge burqasyn qosylady», - delingen sınoptıkterdiń taratqan habarlamasynda.
Buǵan deıin habarlanǵandaı, 17-19 naýryz kúnderi aralyǵynda aýa temperatýrasynyń jylynýyna jáne kútilip otyrǵan jaýyndarǵa baılanysty Almaty oblysynyń alasa taýly aýmaqtarynda qar erip, jergilikti jerlerde ózender arnalarynan tasyp, sý basý jaǵdaılary bolýy múmkin.
