Astanada jáne Aqmola oblysynda aýa raıyna baılanysty eskertý jarııalandy
ASTANA. QazAqparat - Astana qalasynda jáne Aqmola oblysynda aýa raıyna baılanysty eskertý jarııalandy, dep habarlaıdy QazAqparat Qazgıdrometke silteme jasap.
23 maýsym kúni kúndiz elordada naızaǵaı jarqyldap, batystan sekýndyna jyldamdyǵy 15 metr jel soǵýy yqtımal.
Sondaı-aq, 23 maýsym kúni Aqmola oblysynyń keı jerlerinde naızaǵaı oınap, daýyl turýy múmkin, burshaq jaýýy yqtımal, batystan soqqan jeldiń jyldamdyǵy 15-20 metrge jetýi múmkin. Daýyl turý yqtımaldylyǵy - 80-85%.
Buǵan deıin Soltústik Qazaqstan jáne Qostanaı oblystarynda aýa raıyna baılanysty eskertý jarııalanǵany habarlanǵan bolatyn.
