Astanada jáne 13 oblysta qolaısyz aýa raıyna baılanysty eskertý jarııalandy

ASTANA. KAZINFORM – Qazaqstannyń 13 oblysynda jáne elordada qolaısyz aýa raıy kútilýine baılanysty eskertý jarııalandy, dep habarlaıdy  «Qazgıdromet» RMK.

Astana qalasynda túnde jáne tańerteń tuman túsedi. Tańerteń jáne kúndiz soltústik-shyǵystan soqqan jeldiń ekpini 15-20 m/s jetedi.

Shymkent qalasynda tótenshe órt qaýpi saqtalady.

Atyraý oblysynda túnde jáne tańerteń batysynda, ońtústiginde tuman túsedi. Soltústiginde, shyǵysynda jáne ońtústiginde tótenshe órt qaýpi saqtalady, soltústik-shyǵysynda joǵary órt qaýpi boljanýda.

Aqtóbe oblysynyń soltústiginde túnde 2 gradýsqa deıin úsik júredi. Ońtústiginde joǵary órt qaýpi, al batysynda, soltústiginde, soltústik-shyǵysynda jáne ortalyǵynda tótenshe órt qaýpi saqtalady.

Aqmola oblysynda túnde jáne kúndiz keı jerlerde jańbyrdyń qarǵa aýysýy kútiledi. Shyǵysynda qatty jańbyr jaýady. Túnde jáne tańerteń soltústiginde, shyǵysynda tuman, kúndiz ońtústiginde jáne shyǵysynda jeldiń ekpini 15-20 m/s jetedi.

Jambyl oblysynyń taýly aýdandarynda naızaǵaı, túnde tuman kútiledi. Taýly aýdandarda jeldiń kúshi 15-20 m/s. Batysynda, soltústiginde jáne ortalyǵynda tótenshe órt qaýpi saqtalady.

Batys Qazaqstan oblysynda túnde jáne tańerteń batysynda, soltústiginde tuman kútiledi. Túnde batysynda jáne soltústiginde 1 gradýsqa deıin úsik júredi. Batysynda, ońtústiginde jáne shyǵysynda tótenshe órt qaýpi, soltústiginde joǵary órt qaýpi saqtalady.

Qaraǵandy oblysynyń soltústiginde túnde jáne tańerteń tuman kútiledi. Kúndiz batysynda jáne shyǵysynda jeldiń kúshi 15-18 m/s jetedi. Ońtústiginde tótenshe órt qaýpi saqtalady.

Qostanaı oblysynyń soltústik-shyǵysynda kúndiz jańbyrdyń qarǵa aýysýy boljanǵan. Túnde jáne tańerteń shyǵysynda tuman kútiledi. Túnde batysynda jáne shyǵysynda jer betinde 1 gradýsqa deıin úsik júredi. Ońtústiginde joǵary órt qaýpi bar.

Qyzylorda oblysynda tótenshe órt qaýpi saqtalady.

Mańǵystaý oblysynda túnde batysynda jáne ońtústiginde jeldiń ekpini 15-18 m/s jetedi. Ońtústik-shyǵysynda joǵary órt qaýpi boljanýda.

Pavlodar oblysynda jel soltústikten soǵady. Kúndiz ońtústiginde jáne shyǵysynda ekpini 15-20 m/s kúsheıedi. Soltústiginde jáne shyǵysynda joǵary órt qaýpi saqtalady.

Soltústik Qazaqstan oblysynyń ońtústiginde jáne shyǵysynda túnde, kúndiz soltústiginde, shyǵysynda jańbyrdyń qarǵa aýysýy kútiledi. Túnde jáne tańerteń ońtústiginde, shyǵysynda tuman bolady.

Túrkistan oblysynyń taýly asýlarynda jeldiń ekpini 15-20 m/s deıin kúsheıedi. Óńirde tótenshe órt qaýpi saqtalady.

Ulytaý oblysynyń soltústiginde túnde jáne tańerteń tuman kútiledi. Ońtústiginde tótenshe órt qaýpi bar.

Mamandar aýa raıynyń qolaısyz jaǵdaıyna baılanysty turǵyndardy barynsha saq bolýǵa shaqyrady.