Astanada jańbyr jaýyp, sońy qarǵa ulasady dep kútilýde- aýa raıy boljamy
ASTANA. 9 qazan. QazAqparat - Erteń, 10 qazanda, Qazaqstannyń astanasynda jańbyr jaýyp, sońy qarǵa ulasady dep kútilýde. Bul týraly «Qazgıdromet» RMK-ǵa silteme jasap, QR TJM habarlady.
10 qazan kúni túnde Qyzylorda, Ońtústik Qazaqstan oblystarynda kún 0-3 gradýsqa deıin sýytady.
Qostanaı, Aqtóbe, Soltústik Qazaqstan, Aqmola, Pavlodar, Qaraǵandy oblystarynda erteń jaýyn-shashyn bolady dep kútilýde, jańbyrdyń sońy qarǵa ulasady, keı jerlerde batystan, soltústik-batystan soǵatyn jel 15-20 m/s-qa deıin kúsheıedi. Qaraǵandy, Aqtóbe oblystarynda 2-7 gradýsqa deıin jyly bolady.
Sondaı-aq, Qazaqstan aýmaǵynyń basym bóligi antıtsıklon yqpalynda bolýyna baılanysty aýa raıy kóbinese jaýyn-shashynsyz bolady. Respýblıkanyń soltústiginde, shyǵysynda jáne ortalyǵynda atmosferalyq aǵyndardyń ótýine baılanysty keı jerlerde jaýyn-shashyn bolady, jel kúsheıedi, jekelegen aýdandarda túnde jáne tańerteń tuman túsedi.
«Aqmola, Soltústik Qazaqstan, Qostanaı, Mańǵystaý oblystarynda túnde jáne tańerteń keı jerlerde tuman túsedi dep kútilýde. Respýblıkanyń ońtústiginde, ońtústik-shyǵysynda keı jerlerde jáne ortalyǵynda joǵary órt qaýpi saqtalady», - dep atap aıtylǵan vedomstvo portalynda.
Jaqyn táýlikterde respýblıkanyń ońtústigi jáne ońtústik-shyǵysynyń taýly ózenderinde sý deńgeıiniń turaqsyz bolady dep kútilýde, Batys Altaıdyń jekelegen ózenderinde jańbyr jaýýyna baılanysty sý deńgeıiniń kóterilýi baıqalady. Qazaqstannyń soltústik, soltústik-shyǵys jáne shyǵys oblystaryndaǵy sý nysandarynda sý beti birte-birte salqyndaıdy dep kútilýde.
