Astanada jańbyr sýyn sorý jumystary kúsheıtilgen rejimde júrgizilýde
ASTANA. QazAqparat - Astana qalasynda shamadan tys jaýǵan jaýynnyń saldaryn joıý jáne birneshe kún boıy tolassyz jaýǵan jańbyr sýyn sorý boıynsha jumystar kúsheıtilgen rejimde júrgizilip jatyr.
Tórt kúnniń ishinde (16-19 mamyr aralyǵynda) 34 myń tekshe metrden astam jańbyr sýy soryldy, dep habarlaıdy astana.gov.kz . Elordada tolassyz jańbyr birneshe kúnnen beri jaýyp jatyr. Jaýyn-shashynnyń aılyq mólsherden tys jaýýy saldarynan qalanyń birneshe aýdanyn sý basty.
«Astana Tazalyq» JShS habarlaýynsha, 19 mamyrda kommýnaldyq qyzmetterdiń kúshimen 10 myń m 3 jańbyr sýy soryldy. Atap aıtqanda, «Almaty» aýdanynda - 4813 m 3, «Esil» aýdanynda - 1816 m 3 jáne «Saryarqa» aýdanynda - 3207 m 3 sý soryldy. Búgin qala kóshelerinde 100-ge jýyq arnaıy tehnıka jumys isteýde.
Sınoptıkterdiń boljamynsha, jańbyr aptanyń sońyna deıin tolastamaıdy.
