Astanada jańajyldyq jármeńke ótýde
ASTANA. QazAqparat - Búgin elordalyq «RadissonAstana» qonaqúıinde Astana ákimdigi men QR Mádenıet jáne sport mınıstrliginiń qoldaýymen uıymdastyrylǵan «Jańa jyl kórmesi - NewYearExpo» merekelik ónimderdiń jańajyldyq qaıyrymdylyq kórmesi ashyldy.
Jańajyldyq kórme bir alańǵa 50-ge tarta óndirýshilerdi,- shyrsha áshekeılerine, jańajyldyq ónimderge, karnavaldyq kıimderge jáne zattarǵa, ydystarǵa, ústel saltanatyna arnalǵan buıymdarǵa tapsyrys berýshiler men olardy jetkizýshilerdiń basyn qosty. Bul astanalyqtar men qala qonaqtary úshin basty otbasylyq merekege jaqsy ázirlenýge jáne jańajyldyq merekelik kóńil-kúıge bólenýge jaqsy múmkindik.
Kórmeniń qaıyrymdylyq bóligi kartınalar bássýdasyn jáne kórkemsýret stýdııasymen birlese otyryp, balalar úıleriniń tárbıelenýshileri jasaǵan jumystardy satýdy qamtıdy.
Uıymdastyrýshylardyń habarlaýynsha, kórme-jármeńke aýqymynda kelýshilerge zor satylym uıymdastyrmaq. Qonaqtar jármeńkede 21 jeltoqsanda tańǵy saǵat 10-nan keshki 8-ge deıin bola alady.
