Astanada jańajyldyq shyrsha qashan jaǵylady
ASTANA. QazAqparat - Astananyń bas jańajyldyq shyrshasynyń shamy qashan jaǵylatyny belgili boldy, dep habarlaıdy QazAqparat qala ákimdigine silteme jasap.
18 jeltoqsan kúni saǵat 18:30-da EKSPO-2017 kórmesiniń aýmaǵynda Astananyń bas jańajyldyq shyrshasynyń shamyn jaǵý rásimi ótedi. Sondaı-aq, sharada ónerpazdar kontsert qoıady. Kishkentaı kórermenderdiń kóńilin anımatorlar men alyp qýyrshaqtar kóteredi.
Oıyn-saýyq baǵdarlamasy saǵat 18:30 bastalsa, al shyrsha shamdary saǵat 19:00-de jaǵylady. Sonymen qatar, rásimge kelýshiler merekelik otshashýdy tamashalaı alady.
Basty shyrsha mańynda qysqy jáne otbasylyq demalys úshin qyzmetterdiń keń aýqymdy qyzmet kórsetetin ınteraktıvti oıyn-saýyq alańy iske qosylady.
Kórme kesheni aýmaǵynda 200 adamǵa arnalǵan ashyq muz aıdyny jumysyn bastaıdy. Muz aıdynynyń jumys ýaqyty saǵat 10:00-den 23:00-ge deıin. Keletin qonaqtarǵa yńǵaıly bolý úshin muz aıdynyna kirý tegin. Sondaı-aq, konkıdi jalǵa beretin oryn, tamaqtaný oryndary jáne avtokólikter úshin jerasty turaǵy bar.
