Astanada jańajyldyq otshashýdy qaı jerden tamashalaýǵa bolady
ASTANA. QazAqparat - Astanada jańa jyl merekesine oraı kez kelgen jastaǵy qonaqtar men qala turǵyndary úshin kóptegen is-shara uıymdastyrylady, dep habarlaıdy QazAqparat elorda ákimdiginiń resmı saıtyna silteme jasap.
29 jeltoqsan kúni tústen keıin «Jastar» teatrynda «Zolýshka» ertegisi sahnalanatyn jańajyldyq erteńgilik uıymdastyrylady.
28-30 jeltoqsan kúnderi Qýyrshaqtar teatry «Jańa jyl» qýyrshaq shoýyn usynady.
29 jeltoqsan,saǵat 11:00 jáne 15:00-de memlekettik akademııalyq fılarmonııada «Qoıandar» atty jańajyldyq shoý-spektakl ótedi.
29 jeltoqsan,saǵat 10:00, 12:30 jáne 15:00-de, sondaı-aq 30 jeltoqsanda saǵat 12:30-da «Jastar» saraıy «Qoıandy kim urlap ketti?» atty jańajyldyq erteńgilikterin, sol sııaqty oqýshylarǵa arnalǵan dıskoteka uıymdastyrady.
29 jeltoqsan, saǵat 11:00-de Sáken Seıfýllın murajaıy №80 mektep oqýshylarymen kezdesý ótkizedi.
29 jeltoqsan, saǵat 19:00-de «QAZAQSTAN» Ortalyq kontsert zalynda Neprosto orchestra kontsertin tamashalaýǵa bolady. Dál osy ýaqytta «Astana Opera» memlekettik opera jáne balet teatry Balnur Qydyrbektiń «Qalqaman-Mamyr» opera-balet premerasyna shaqyrady.
29, 30 jáne 31 jeltoqsan kúnderi saǵat 19:00-de «Astana Balet» teatrynda Petr Chaıkovskııdiń «Şelkýnchık» qoıylymy kórsetiledi.
31 jeltoqsanda saǵat 11:00 jáne 13:00-de Mýzykalyq jas kórermen teatrynyń sahnasynda Ýfımtsevtiń «Şelkýnchık» ertegisiniń premerasy ótedi.
31 jeltoqsan, saǵat 12:00-den 16:00-ge deıin «Jańa jyl – jańa jol» kontserti elordanyń barlyq aýdanynyń eldi mekenderinde, naqtyraq aıtqanda Kırpıchnyı, Óndiris, Kóktal, Úrker, Internatsıonalnyı eldi mekenderinde uıymdastyrylady.
31 jeltoqsan, saǵat 22:00 - 3:00 aralyǵynda qalanyń ortalyq alańynda, «EKSPO» kórme ortalyǵynyń janyndaǵy alańda, «Qazaq eli» monýmentiniń janynda keshki merekelik kontsert ótedi.
31 jeltoqsan, saǵat 00:00-de merekelik otshashýdy tamashalaýǵa bolady. Ákimdik málimetinshe, ol demeýshiler qarajaty esebinen uıymdastyrylady. Eki jerden atylatyn feıerverkti tamashalaýǵa bolatyn oryndar: Esil ózeniniń jaǵasyndaǵy Kenesary han eskertkishi mańy, Botanıkalyq baq, Qabanbaı batyr men Buqar Jyraý dańǵyldarynyń qıylysy aýmaǵy. Salıýt bıiktigi: tómengi 70 metr, ortasha 120 metr, joǵarǵysy 180-210 metr. Barlyǵy 3,5 myń oq atylady.
