Astanada jańajyldyq mereke kúnderi qoǵamdyq kólikter qalaı júredi
ASTANA. QazAqparat - Astana qalasynda mereke kúnderi qoǵamdyq kóliktiń kóp paıdalanylatyn baǵdarlary kúsheıtilgen tártipte jumys isteıtin bolady, dep habarlaıdy elorda ákimdiginiń resmı saıty.
«Elorda turǵyndarynyń Jańa jyl merekesi kúnderi iri saýda núkteleri men oıyn-saýyq oryndaryna qatynaýy úshin qalalyq qoǵamdyq kóliktiń 13-ten astam baǵdary kúsheıtilgen tártipte jumys isteıtin bolady. Dálirek aıtqanda, avtobýstardyń sany arttyrylady. Sondaı-aq, atalǵan baǵdarlardyń júrý ıntervaly 13-ten 9 mınýtqa deıin qysqarady.
Osylaısha, №№ 2, 8, 9, 10, 11, 12, 19, 33, 37, 39, 40, 51, 71 baǵdarlar qysqartylǵan ıntervalmen qatynaıtyn bolady. Turǵyndarǵa qosymsha 48 avtobýs qyzmet kórsetedi.
