Astanada jańajyldyq demalys kúnderi 70-ten astam qylmys tirkeldi
ASTANA. QazAqparat - Jańa jyldy merekeleý kúnderi Astana polıtsııa departamentiniń 2 myńǵa jýyq qyzmetkeri men Ulttyq gvardııanyń áskerı qyzmetshileri qoǵamdyq tártipti qamtamasyz etti, dep habarlaıdy QazAqparat.
Astana qalasy Polıtsııa departamentiniń málimetine qaraǵanda, qabyldanǵan sharalar nátıjesinde elordadaǵy krımınogendik jaǵdaı turaqty boldy.
«2018 jylǵy 31 jeltoqsannan bastap qazirgi ýaqytqa deıin Astanada qylmystyq sıpattaǵy 72 quqyq buzýshylyq tirkeldi. Olar negizinen avtokólikten jáne adamdar kóp jınalatyn basqa da oryndardan jeke zattardy urlaýǵa qatysty. Bul rette atalǵan 72 qylmystyń 11-i, ıaǵnı 15 paıyzdan astamy izin sýytpaı ashyldy. Qabyldanǵan sharalar arqasynda qoǵamdyq oryndar men kóshelerde aýyr quqyq buzýshylyqtarǵa jol berilgen joq», - delingen taratylǵan málimette.
Belgili bolǵandaı, beıne baqylaý kamerasy arqyly 4 qylmystyń beti ashyldy. Bul turǵyda kóńil kóteretin oryndardyń mańynda tóbeles faktileri anyqtaldy. Budan bólek 250-ge tarta ákimshilik quqyq buzýshylyqtar tirkeldi.
