Astanada jańajyldyq azyq-túlik jármeńkeleri ótedi
ASTANA. QazAqparat - 27-28 jeltoqsanda Astana qalasynyń ákimdigi «Mobıldik jármeńke» jalpyqalalyq aktsııasyn ótkizedi.
Qalalyq Aýyl sharýashylyq basqarmasynyń habarlaýynsha, jármeńkeni «Astana» áleýmettik-kásipkerlik korporatsııasy uıymdastyryp otyr, dep habarlaıdy elorda ákimdiginiń baspasóz qyzmetinen. Turǵyndar turaqtandyrý qoryndaǵy azyq-túlikterdi naryqtyq baǵadan tómen baǵamen satyp ala alady. Jármeńkede kókónis, jarmalar, qant pen basqa da tamaq ónimderi saýdalanbaq. Ónimder «Shapaǵat» kommýnaldyq bazarynyń aýmaǵynda jáne Saýran kóshesi 7, «Gúljan» saýda ortalyǵynyń mańynda ornalastyrylǵan arnaıy avtokólikterde satylady. Azyq-túlik taýarlaryn satyp alýda shekteý qoıylady, atap aıtqanda, bir adamǵa úsh qaptan artyq aýyl sharýashylyq ónimderi jáne bir qaptan artyq un men jarma ónimderi bosatylmaıdy.
