Astanada Jańajol kóshesinen Alash tasjolyna deıingi aralyq ýaqytsha jabylady
ASTANA. KAZINFORM – Elordada jol jóndeý jumysyna baılanysty 16 mamyr saǵat 21:00-den 18 mamyr kúni saǵat 07:00-ge deıin Jańajol kóshesinen Alash tasjolyna deıingi aralyǵynda kólik qozǵalysy ishinara shekteledi, dep habarlaıdy elorda ákimdiginiń resmı saıty.
Bul rette qozǵalys joldyń bir baǵyty boıynsha ashyq bolady.
Júrgizýshiler men jaıaý júrginshiler júrý baǵytyn aldyn ala josparlaýy jáne yqtımal ózgeristerdi eskerýi qajet.
Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylady.
Eske sala keteıik, buǵan deıin Astanada birneshe kóshe ýaqytsha jabylatynyn jazǵanbyz.
