Astanada jańajyldyq otshashýdy qaı jerden tamashalaýǵa bolady

Astanada Jańa jylǵa arnalǵan merekelik otshashý demeýshiler qarjysy esebinen uıymdastyrylady, dep habarlaıdy Kazinform.

Saǵat 00:00-de otshashýǵa deıin Qazaqstannyń ánurany shyrqalady.

Keıin Botanıkalyq baq pen «Atyraý» kópiriniń aýmaǵynan ár orynnan shamamen 1 myń otshashý atylady dep josparlanǵan.

Sonymen qatar 31 jeltoqsannan 1 qańtarǵa qaraǵan túni qaladaǵy úsh jerde merekelik is-sharalar ótedi.

31 jeltoqsanda saǵat 21:00-den 02.00-ge deıin ortalyq alańda, «Qazaq eli» monýmenti aýmaǵynda jáne EKSPO alańynda elorda turǵyndary men qonaqtary úshin qazaqstandyq estrada juldyzdarynyń qatysýymen «Jańa jyl túni» merekelik kontserti ótedi.

Sondaı-aq, turǵyn úı alaptarynda da jańajylǵa arnalǵan merekelik baǵdarlamalar uıymdastyrylady.