Astanada Janaı Omarovtyń jańa kitaby tanystyryldy (FOTO)

ASTANA. QazAqparat - QR Ulttyq akademııalyq kitaphanasynda belgili memleket jáne qoǵam qaıratkeri, «Nur Medıa» holdınginiń bas dırektory Janaı Omarovtyń «Vremıa, kotoroe jıvet v nas» kitabynyń tusaýkeseri ótti.

Kitapqa avtordyń baspa basylymdarynda shyqqan tańdaýly maqalalary men suhbattary, derekti fılm stsenarııleri, ár jyldary jaryqqa shyqqan jekelegen mátinderi endi.

«Bul kitapty shyǵarý ıdeıasynyń paıda bolǵanyna da kóp bolǵan joq, eki ataýly kúnniń jaqyndap qalǵanyn oıǵa alǵanda, jazylǵan, jaryqqa shyqqan dúnıelerden qorytyndy shyǵarý qajettiligi týyndaǵanyn sezindim. Buǵan 1994 jylǵy «Panorama» gazetine shyqqan kishkentaı maqalamnan bastap 20 jyl ishinde jınaqtalǵan tańdaýly týyndylarym kirdi. Basty taqyryp, árıne, eldiń áleýmettik-ekonomıkalyq, saıası damýy, eldiń qalyptasýyndaǵy Ult kóshbasshysy - QR Tuńǵysh Prezıdentiniń tarıhı róli boldy», - dedi J. Omarov.

Avtor óz kitabynda memlekettik, qoǵamdyq qurylymdarda, buqaralyq aqparat quraldaryndaǵy óziniń jumysymen baılanysty oılar men estelikterdi bólisedi. Bul oqyrman qaýymǵa avtordyń tájirıbesi men áseri arqyly táýelsiz Qazaqstannyń qalyptasýy men damýy jolyndaǵy jyldardyń aıqyn beınesin pash etedi.

«Bul estelikter men úshin ótken men búgin arasyndaǵy kópir ispettes jáne maǵan, endi qazir oqyrmandarǵa da kóptegen oqıǵalar men adamdar jaıly estelikterdi eske alý múmkindigin syılaıdy», - dep qosty ol.