Astanada janarmaı quıý stansasyna shabýyl jasalyp, jarty mıllıondaı teńge qoldy boldy
ASTANA. QazAqparat - Astana polıtseıleri izin sýytpaı janarmaı quıý stansasyna qaraqshylyq shabýyl jasaǵan qaraqshylar tobynyń artyna túsip, olardy ustady.
«Astana ІІD 10 shildede saǵat 03-ter shamasynda Kúmisbekov kóshesi boıynda ornalasqan janarmaı quıý stansasynan kúzetshige kúsh qoldanyp, kassırdi tapanshaǵa uqsas zatpen qorqytyp, kassadan jarty mıllıonǵa jýyq qarajatty urlap ketkeni jaıly habarlama tústi», - delingen departamenttiń baspasóz qyzmetiniń habarlamasynda.
Jedel izdestirý sharasynyń barysynda polıtsııa qyzmetkerleri birneshe saǵat ótpeı, 5 kúdiktini ustady, olar SQO jáne Aqmola oblysynyń 22-24 jas aralyǵyndaǵy turǵyndary, ekeýi budan buryn urlyq jasaǵany úshin qylmystyq jaýapkershilikke tartylǵan.
Qaraqshylyq shabýyl faktisi boıynsha sot aldy tergeý bastaldy.
Ustalǵandar aıǵaqty dálel berýde. Zattaı aıǵaqtar (pnevmatıkalyq tapansha, qoldan jasalǵan betperde, aqshalaı qarajat) tárkilendi. Kúdiktiler ÝUI-ǵa qamaldy. Olardyń basqa qylmysqa qatystylyǵynyń bar-joǵy tekserilýde.
