Astanada jańadan 3 medıtsınalyq ortalyq salynady
ASTANA. QazAqparat - Elordanyń shaǵyn aýdandarynda bastapqy medıtsınalyq-sanıtarlyq kómek kórsetetin 3 ortalyq salý josparlanýda.
Bul jaıynda Astana qalalyq densaýlyq saqtaý basqarmasynan málim etti, dep habarlaıdy QazAqparat.
Taratylǵan aqparatta qalalyq basqarmanyń bıznes ókilderin densaýlyq saqtaý salasyndaǵy memlekettik-jekemenshik seriktestik jobalaryna qatysýǵa shaqyratyndyǵy aıtylǵan.
«Mynadaı 4 kontsessııalyq joba ázirlendi: bastapqy medıtsınalyq-sanıtarlyq kómek kórsetetin 3 ortalyqty (Jeleznodorojnyı, Kóktal jáne Óndiris) salý jáne paıdalanýǵa berý, sonymen qatar №1 emhanany jańǵyrtý. Eger sizde atalǵan aýdanda medıtsınalyq nysan salýǵa múmkinshilik bolsa, onda ózińiz jaıynda málimet berip, jobaǵa qatysa alasyz», - deıdi qalalyq densaýlyq saqtaý basqarmasy bıznesmenderge arnalǵan úndeýinde.
