Astanada jańa jylý kózi bıyl iske qosylýy qajet, esh syltaý bolmaýy tıis - Prezıdent
ASTANA. QazAqparat – Elordada jańa jylý kózi bıyl iske qosylýy qajet, esh syltaý bolmaýy tıis. Bul týraly Astanany damytý máseleleri jónindegi keńeste Memleket basshysy Qasym-Jomart Toqaev aıtty, dep habarlaıdy QazAqparat tilshisi.
«Jergilikti bıliktiń qyraǵylyq tanytpaýy men áreketsizdiginiń saldarynan búginde biz «órt sóndirý» rejıminde jańa jylý kózderin, sý qubyrlaryn, tazartý qurylystaryn salýǵa májbúrmiz. Bul rette buǵan deıin aıtylǵan energetıkalyq nysandardy iske qosý merzimderi keshigýi múmkin. Buǵan deıin men jyl sońyna deıin eki gaz jylý stantsııasyn – «Turan» jáne «Ońtústik-Shyǵys»-ty, sondaı-aq birinshi kezekte JEO-3 paıdalanýǵa berýdi tapsyrdym», - dep eske saldy Memleket basshysy.
Prezıdenttiń atap ótýinshe, atalǵan nysandarda jumystyń qarqyny óte tómen nemese múldem júrmeı jatyr.
«Kúl úıindisiniń ekinshi bóligin salý sııaqty mańyzdy ýchaskelerde personal men tehnıka jetispeıdi. Mundaı tásil qolaısyz. Jańa jylý kózderi eshqandaı da syltaýlarsyz bıyl iske qosylýy kerek. Bizde basqa jol joq. Biraq bunyń ózi jylý kózderin paıdalanýǵa qatysty tapshylyqty eki jylǵa ǵana jabýǵa múmkindik beredi, odan artyq emes», - dedi Memleket basshysy.
