Astanada jańa jylǵa oraı merekelik otshashý úsh jerde ótedi
ASTANA. QazAqparat - Bıyl 31 jeltoqsannan 1 qańtarǵa qaraǵan túni elordada merekelik otshashý úsh jerde ótedi, dep habarlady astana.gov.kz.
Dástúr boıynsha Jańa jylǵa oraılastyrylǵan salıýt Esil ózeniniń jaǵasynda, «Han shatyr» saýda, oıyn-saýyq ortalyǵynyń janynda, sonymen qatar Abylaı han dańǵyly men Pýshkın kóshesiniń qıylysynda bolady. Astana qalasynyń ákimi bir ýaqytta úsh aýdanda otshashý uıymdastyrýdy tapsyrdy.
Eske salaıyq, 31 jeltoqsanda saǵat 21:00-de qalalyq ákimdik aldyndaǵy alańda Jańa jyldy qarsy alýǵa arnalǵan merekelik shara ótedi. Elorda turǵyndary men qonaqtary úshin qazaqstandyq estrada juldyzdarynyń qatysýymen jarqyn oıyn-saýyq baǵdarlamasy uıymdastyrylady. Belgili ártisterdiń óneri kópshilikti tánti etip, merekelik kóńil-kúı syılamaq.
