Astanada jańa jylǵa arnalǵan tuńǵysh komedııa túsirilýde
ASTANA. 19 jeltoqsan. QazAqparat - Búgin «Tengrı» qonaqúıinde «Jatǵalamsharlyqtardyń qatysy joq» («Inoplanetıane nı prı chem») atty qazaqstandyq tuńǵysh jańajyldyq komedııanyń túsirile bastaýyna baılanysty baspasóz máslıhaty boldy.
«Fılmniń sıýjeti óte jeńil. Kórermenniń mıyn sharshatpaıdy, kerisinshe kóńil-kúıin kóterip, ádemi áserge bóleıdi», - deıdi fılmniń rejısseri Farhat Sharıpov.
Onyń aıtýynsha, komedııanyń negizgi jelisi 4 túrli keıipkerdiń basynan ótetin tórt túrli oqıǵa aınalasynda qurylady. Degenmen bul 4 oqıǵa fılm sońynda bir arnaǵa toǵysatyn kórinedi.
Kartınaǵa Farhat Ábdraıymov, Venera Nyǵmatýlına, Tólepbergen Baısaqalov, Maksım Akbarov jáne basqa da belgili akterler túsedi.
Fılm 2013 jyldyń sońyna qaraı kórermenderge jol tartady.
