Astanada jańa jyldyq halyqtyq serýen ótedi
ASTANA. QazAqparat - 31 jeltoqsanda «Han Shatyr» SOO janyndaǵy muz qalashyǵy aýmaǵynda, sondaı-aq, elorda ákimdiginiń aldyndaǵy qalalyq alańda Jańa 2016 jyldy qarsy alýǵa oraılastyrylǵan merekelik sharalar ótedi.
Saǵat 22.00 - 03.00 aralyǵynda qala turǵyndary men qonaqtary Jańa jyldy Aıaz atamen jáne Aqsha qarmen birge qarsy ala alady. Jańa jyldyq túni qalalyq Memlekettik akademııalyq fılarmonııa ártisteriniń, «Alaman» trıosy, «Rıngo» toby, Almas Kishkenbaev, Dosymjan Tańatarov, Dos, Marjan Arapbaeva, aǵaıyndy Júginisovtar, Albına Oganesıan, Saltanat Baıjumanova, Ásel Nurtazına, «Dáýir» trıosy, «Saryn» toby, Baýyrjan Nurymbetov, «Saryarqa» dýeti, Kúláıym Qaıyrbekova, Nurǵalı Turlybekov jáne t.b. qazaqstandyq estrada juldyzdarynyń qatysýymen kontserttik baǵdarlama uıymdastyrylady.
Saǵat 23.55 alańdarda ornatylǵan LED-ekrandardan Qazaqstan Respýblıkasynyń Prezıdenti Nursultan Nazarbaevtyń jańa jyldyq quttyqtaýy kórsetiledi.
Tún jarymda elorda turǵyndary men qonaqtary Jańa 2016 jyldyń bastalýynyń belgisi - otshashýdy tamashalaıdy. Merekelik otshashý Esil ózeniniń jaǵasynda, «Han Shatyr» SOO janynda bolady. Jańa jyldyq saltanat kóńildi baıqaýlarmen, oıyndarmen jáne merekelik bı keshimen jalǵasady, dep habarlaıdy astana.kz.
