Astanada jańa jyl túninde fılarmonııa jáne estrada juldyzdary óner kórsetedi
ASTANA. 28 jeltoqsan. QazAqparat - Jańa jyl túni 2012 jylǵy 31 jeltoqsan saǵat 22.00-den bastap 2013 jyldyń 1 qańtarynda saǵat 02.00-ge deıin Astana qalasy ákimdiginiń aldyndaǵy alańda dástúrli merekelik kontsertter men 2013 Jańa jyldy qarsy alýǵa arnalǵan bı keshi ótedi, dep habarlandy astana.kz saıtynan.
Merekelik baǵdarlamaǵa Memlekettik fılarmonııanyń ánshileri men qalanyń shyǵarmashylyq ujymdarynyń qatysýy josparlanǵan. Konaq retinde Qazaqstan estradasynyń juldyzdary - Álisher Karımov, Marjan Arapbaeva, Nurǵalı Turlybekov, Vladımır Lıgaı, Irına Omel, Darıa Danılova, Aleksandr Tadj jáne basqalar shaqyrylǵan.
Al tún ortasynda elorda turǵyndary men qonaqtary aýqymdy merekelik otshashýdy tamashalaı alady.
