Astanada Jańa jyl túni 68 sábı dúnıege keldi
ASTANA. QazAqparat - Astana qalasy Densaýlyq saqtaý basqarmasynyń habarlaýynsha, 31 jeltoqsannan 1 qańtarǵa qaraǵan túni elordada 68 náreste jaryq dúnıe esigin ashty, sonyń ishinde 41-i - er bala, 27-si - qyz bala.
Jalpy, elordada demografııalyq kórsetkishterdiń jaqsarýy baıqalady. Astana qalasynyń halqynyń sany 2014 jylǵy 1 qarashadaǵy jaǵdaıy boıynsha 847 730 adamdy qurady, sonyń ishinde Almaty aýdanynda - 378 624, Esil aýdanynda - 124 970, Saryarqa aýdanynda - 344 136 adam turatyn bolyp shyqty. Qalalyq Statıstıka departamentiniń habarlaýynsha, 2014 jylǵy qańtar-qazan aılarynda qalada 20 287 bala týylǵan, bul 2013 jyldyń sáıkes merzimimen salystyrǵanda 10,6%-ǵa artyq. Bul rette halyqtyń tabıǵı ósimi 2013 jyldyń qańtar-qazan aılarymen salystyrǵanda 12,3%-ǵa ulǵaıyp, 17 325 adamdy qurady.
