Astanadaǵy Tóle bı kóshesiniń taǵy bir bóliginde qozǵalys shekteledi
ASTANA. KAZINFORM — Astanada «R. Baǵlanova kóshesinen Uly Dala dańǵylyna deıingi ýchaskede Tóle bı kóshesin salý» jobasy aıasynda joldyń joǵarǵy qabatyn tóseý jumysy júrgiziledi. Bul týraly elorda ákimdigi málim etti.
Osyǵan baılanysty R. Baǵlanova kóshesinen T-6 kóshesine deıingi ýchaskede jol qozǵalysy ishinara shekteledi. Bul rette kólik qozǵalysy joldyń bir jaǵymen eki baǵytta uıymdastyrylady.
Júrgizýshiler men jaıaý júrginshiler júrý baǵytyn aldyn ala josparlap, yqtımal ózgeristerdi eskerýi qajet. Qaýipsizdikti qamtamasyz etý jáne qolaısyzdyqtardy barynsha azaıtý maqsatynda jol belgileri men baǵyttaǵysh kórsetkishter ornatylady.
Eske sala keteıik, Astanada Tilendıev dańǵylynda jóndeý jumysy júrip jatyr.
