Astanada jańa jylǵa arnalǵan otshashý qaıda ótedi

ASTANA. KAZINFORM — Astanada 31 jeltoqsanda saǵat 00.00-de demeýshilik qarajat esebinen uıymdastyrylatyn merekelik jańa jyldyq otshashý iske qosylady, dep habarlaıdy elorda ákimdiginiń resmı saıty.

Otshashýlar eki jerde ótedi: Botanıkalyq baq jáne «Atyraý» kópirine irgeles aýmaq. Ár jerde shamamen 2,5 myń márte atylady.

Sol sııaqty jańa jyl qarsańynda 31 jeltoqsannan 1 qańtarǵa deıin qalanyń úsh jerinde merekelik is-sharalar ótedi.

31 jeltoqsanda saǵat 21:00–den 02:00–ge deıin elordanyń qalalyq alańynda, «Qazaq eli» monýmenti aýmaǵynda jáne EKSPO alańynda estrada juldyzdary men shyǵarmashylyq ujymdardyń qatysýymen qala turǵyndary men qonaqtary úshin jańa jyldyq merekelik kontsertter ótedi.

Jańa jylǵa arnalǵan merekelik baǵdarlama sonymen qatar Táýelsizdik dańǵyly, Ortalyq saıabaq, Atatúrik saıabaǵy, Promyshlennyı eldi mekeni jáne «Kóktal» saıabaǵyndaǵy Oqýshylar saraıynyń aýmaǵynda ótedi.

Buǵan deıin «Azamattarǵa arnalǵan úkimet» Memlekettik korporatsııasy 1 jáne 3 qańtar aralyǵynda Jańa jyl merekesine oraı HQKO men MHQKO jumys istemeıtinin habarlady.