Astanada jańa jyl túni «Aıaz atamen» qosa 11 adam lıftte qamalyp qalǵan

ASTANA. KAZINFORM —  Elordalyq qutqarýshylar lıft ishinde qalyp qoıǵan adamdarǵa kómekke keldi, dep habarlaıdy TJM baspasóz qyzmeti.

Túnde Saraıshyq aýdanyndaǵy kópqabatty turǵyn úılerdiń birinde 11 adam, onyń ishinde 5 bala lıft ishinde qamalyp qaldy.

— Lıft 3-qabattan tómen qaraı túsip ekinshi qabat pen birinshi qabat aralyǵynda toqtap qalǵan. Shaqyrtý ornyna kelgen qutqarýshylar lıft esigin ashyp, adamdarǵa shyǵýǵa kómektesti. Olar medıtsınalyq kómekke muqtaj bolmady, — delingen habarlamada.

TJM lıftte turyp qalsańyz kelesi erejelerdi eske salady:

• ózińiz alańdamańyz jáne kórshilerińizdi tynyshtandyryńyz;
• dıspetcherge habarlasyńyz;
• barlyq túımeni qatarynan baspańyz;
• lıft esikterin ózińiz ashýǵa tyryspańyz;
• barlyq syrtqy baılanys arnalaryn paıdalanyńyz.

Aıta keteıik, Astanada jóndeý kezinde lıft qulap, bir jumysshy kóz jumǵanyn jazǵan edik.

Budan buryn eldegi lıftilerdiń 40 paıyzy jaramsyz ekeni anyqtaldy.