Astanada «Jańa zaman ádebıeti» serııasymen shyqqan kitaptardyń tusaýkeseri ótedi
ASTANA. 15 qarasha. QazAqparat - Erteń QR ulttyq akademııalyq kitaphanasynda «Ádebıettiń áleýmettik mańyzdy túrlerin basyp shyǵarý» respýblıkalyq bıýdjettik baǵdarlamasy aıasynda jaryqqa shyqqan «Jańa zaman ádebıeti» serııasy kitaptarynyń tusaýkeseri ótkiziledi, bul baǵdarlamanyń ákimshisi Mádenıet jáne aqparat mınıstrligi bolyp tabylady.
Tusaýkeser rásimine Mádenıet jáne aqparat vıtse-mınıstri Arman Qyryqbaev qatysady.
Mádenıet jáne aqparat mınıstrliginiń Aqparat jáne muraǵat komıteti tóraǵasynyń orynbasary Qýat Borashev «Jańa zaman ádebıeti: proza, poezııa, drama» serııasymen 2012 jyly basylyp shyqqan kitaptarǵa sholý jasaıdy.
Sondaı-aq, jaryqqa shyqqan týyndylar jóninde qoǵam qaıratkerleri, jazýshylar men baspagerler óz pikirlerin bildiredi.
«Jańa zaman ádebıeti» serııasymen shyqqan kitaptar 45 ataýdan turady, onyń ishinde 25 prozalyq jáne 19 poezııalyq shyǵarmalar. Dál osylaı, «Dramatýrgııa» bóligi boıynsha «Táýelsizdik tolǵaýy» baıqaýynyń eń úzdik pesalary toptastyrylǵan «Órilgen ómir órnegi» atty kitap basylyp shyqty.
Serııaǵa engen týyndylar halyqtyń rýhanı-bilim jáne aqyl-oı, mádenıettilik deńgeıiniń joǵarylaýyna, óskeleń urpaqty tárbıeleýge jaǵdaı jasaıdy, memlekettik ustanymdy qalyptastyrady, ulttyq, etıkalyq, mádenıettilik, rýhanı qundylyqtardy, bıik ónegeli jáne patrıottyq sezimdi qalyptastyrady, belsendi azamattyq pozıtsııany tárbıeleıdi.
Shyǵarylǵan kitaptar ishinen Farıza Onǵarsynova, Qadirbek Segizbaıuly, Rahymjan Otarbaev, Ákim Tarazı, Nurgalı Oraz, Júsipbek Qorǵasbek, Gúlnar Salyqbaı, Ulyqbek Esdáýlet, Marhabat Baıǵut, Tólen Ábdik, Nesipbek Dáýtaıuly, Serik Aqsunqaruly, Qýandyq Túmenbaı, Nurlan Máýken, Rafael Nııazbekov, Joltaı Álmashuly, Esenqul Jaqypbek, Nesipbek Aıtuly, Baýyrjan Jaqyp syndy belgili aqyndar men jazýshylardyń erekshe jańa týyndylaryn ataýǵa bolady.
Memlekettik tapsyryspen shyǵarylǵan kitaptarǵa ústimizdegi jyly respýblıkalyq bıýdjetten 1 093 286 myń teńge bólinip, jalpy taralymy 816 430 danany quraıtyn 407 atalym kitap shyǵarylyp, respýblıkalyq kitaphanalarǵa tegin taratyldy.
