Astanada jańa úlgidegi jyly aıaldamalar ornatylady
ASTANA. QazAqparat - Jolaýshylar kóligi basqarmasy basshysynyń mindetin atqarýshy Bekmyrza Igenberdınovtyń aıtýynsha, búginde jyly aıaldamalardyń úsh eskızi bar. Sonyń barlyǵy qazirgi jyly aıaldamalarǵa esh uqsamaıdy. Qala ákimdigi barlyq úlgilerdi halyqtyń talqysyna shyǵarýdy josparlap otyr, dep habarlaıdy QazAqparat tilshisi.
«Qazirgi kezde jańa úlgidegi aıaldamalardyń naqty somasyn aıtý qıyn. Sebebi eskızi áli bekitilgen joq. Máselen, eń úlken pavılonda jolaýshylar otyratyn jabyq bólme, saýda orny, aqyly dárethana, sosyn polıtsııa beketi de bolatyn shyǵar. Odan keıingi úlgide polıtsııa beketi bolmaıdy. Al eń kishisinde jabyq aıaldamanyń ózi jáne saýda orny bolady. Búginde osy jyly aıaldamalardyń parametrleri anyqtalyp jatyr. Biz tek jerdi ǵana beretin bolamyz. Qalǵan shyǵyndardy ınvestorlar kóteredi», - deıdi Igenberdınov.
Onyń aıtýynsha, qazirgi kezde jyly aıaldamalardyń jańa úlgilerin halyqtyń talqysyna salý máselesi qaralyp jatyr. Osy ýaqytqa deıin ornatylǵan aıaldamalar qala beredi. Degenmen, jańa aıaldamalardy ornatqannan keıin sáýlet jaǵynan ózgerister bolyp, eski aıaldamalardy bir kósheniń boıynda, ıa bolmasa, bir aýdannyń aıasynda toptastyryp qoıýy ábden múmkin.
Aıta keteıik, búginde qala boıynsha 27 jyly aıaldama bar. Ústimizdegi jyly qala basshylyǵy qosymsha 200 aıaldamany ornatýdy josparlaýda.
