Astanada «Jańa tolqyn» baıqaýynyń jeńimpazdary marapattaldy
ASTANA. Qarashanyń 26-sy. QazAqparat /Quralaı Orynbekqyzy/ - Búgin «Nur Otan» HDP Astana qalalyq fılıalynyń ǵımaratynda jas jýrnalısterdiń arasynda uıymdastyrylǵan «Jańa tolqyn» baıqaýynyń jeńimpazdary marapattaldy,
dep habarlaıdy QazAqparat tilshisi.
Baıqaý baspa isi jáne PR, fotojýrnalıstıka, tele-radıojýrnalıstıka, WEB-jýrnalıstıka atty 4 atalym boıynsha ótti. Nátıjesinde, birinshi atalym boıynsha - 14, ekinshi - 7, úshinshi - 4 jáne sońǵy atalym boıynsha 1 jeńimpaz anyqtaldy. Jas jýrnalısterge arnaıy sertıfıkattar tapsyrylyp, qalalyq buqaralyq aqparat quraldarynda tájirıbeden ótý múmkindigi berildi.
Qazaqstan jýrnalısteriniń mamandar qoryn qurý maqsatynda qyrkúıek aıynan bastap ótip jatqan atalmysh is-sharaǵa barlyǵy 70-ten astam adam qatysty.
