Astanada jańa temirjol vokzaly estakadasynyń qurylysy júrgizilýde
ASTANA. QazAqparat - Astana qalasyndaǵy jańa vokzalda temirjol estakadasynyń qurylysy júrgizilip jatyr, dep habarlaıdy «QTJ» UK» AQ baspasóz qyzmetinen.
«Vokzal kesheniniń qurylysyn qosa otyryp, Astana stansasynyń temirjol torabyn damytý» jobasy aıasynda qurylys jumystary kestege saı júrgizilip jatyr», - dedi «QTJ» UK» AQ «Іri jobalardy júzege asyrý dırektsııasy» fılıalynyń dırektory Vladımır Klıng.
Ol sondaı-aq uzyndyǵy 2550 metr estakada 87 tirekke bekitiletinin, nysanda alty qabyldaý-jóneltý joldary men vokzaldyń keńeıýine baılanysty jetinshi joldy eskerip qurylys júrgizilip jatqanyn atap ótti. Qazir 15 154 tonna aralyq qurylys metaldary ornatylǵan.
V.Klıngtiń aıtýy boıynsha, nysan qurylysyna 1400 maman men jumysshy kúshi jumyldyrylyp otyr.
Qazirgi Astana temirjol vokzaly táýligine 7000 jolaýshyǵa qyzmet kórsetse, jańa vokzaldyń jolaýshylardy qabyldaý múmkindigi táýligine 35 000 jolaýshyny quraıtyn bolady.
Qaladaǵy «Myńjyldyń» alleıasynyń mańynda boı kóteretin jańa temirjol vokzaly 2017 jyldyń naýryz aıynda paıdalanýǵa beriledi dep josparlanýda.
