Astanada jańa sý qubyrynyń qurylysy aıaqtaldy
ASTANA. QazAqparat - Astanada qurylysy júrip jatqan «Myńjyldyq» alleıasynyń jáne jańa temirjol vokzalynyń aýdanyn sýmen jabdyqtaý úshin B. Momyshuly kóshesinde jańa sý qubyry (D = 500 mm) salyndy. Bul týraly ákimdiktiń resmı saıtynda habarlady.
Ony iske qosý boıynsha jumystar Astana turǵyndary úshin týyndaıtyn qolaısyzdyqtardy barynsha tómendetý maqsatynda 2016 jyldyń 25 qarashasynda saǵat 00.00-den saǵat 07.00-ge deıin júrgiziledi.
B. Momyshuly dańǵyly men M. Tólebaev kóshesiniń qıylysynda sý qubyryn qosý jumystaryn júrgizý barysynda saǵat 00.00-den bastap, 07.00-ge deıin kelesi ýchaskelerde sý berý toqtatylady: Mınıstrlikter úıi, Parlament, Prezıdent isteri basqarmasy avtosharýashylyǵy, Medıtsınalyq klaster, QR Prezıdent isteri basqarmasy Medıtsınalyq ortalyǵynyń aýrýhanasy, №3 perzenthana, ІІD gospıtali, balalar juqpaly aýrýlar aýrýhanasy, qan ortalyǵy. Sondaı-aq, áýejaı; «EKSPO-2017» aýmaǵy; «BI-Village», «Family Village» keshenderi; «Saranda», «VIP Saranda» TK, sondaı-aq, Saýran, Syǵanaq, Túrkistan, Kereı men Jánibek handar kóshelerindegi turǵyn úı keshenderine sý berý toqtatylady. Sonymen qatar, Prıgorodnyı, Telman, Zarechnyı, Óndiristik, Jeleznodorojnyı kentterinde jáne №16 órt sóndirý bóliminde, №1 qalalyq aýrýhanada, №2 qalalyq aýrýhanada sý ýaqytsha bolmaıdy. Esil aýdanynyń qalǵan bóliginde Turan jáne Qabanbaı batyr dańǵyldaryn qosqanda sý qubyry qysymy tómendeýi múmkin.
Sonymen qatar, shuǵyl áreket etý qyzmetterinde sýdyq qajet qory bolady.
