Astanada jańa sport mektebi ashylady
ASTANA. QazAqparat - Búgin elordanyń Ilınka eldi mekeninde jańa sport mektebiniń saltanatty ashylý rásimi ótedi. Bul jaıynda QR Ulttyq kıokýshınkaı-kan karate federatsııasynan málim etti, dep habarlaıdy QazAqparat.
Osy oqıǵaǵa baılanysty taratylǵan aqparatqa qaraǵanda, jańa mekteptiń ashylý saltanatyna Astana qalasy ákimi Aset Isekeshev, QR Mádenıet jáne sport vıtse-mınıstri Sáken Musaıbekov, QR Parlament Senatynyń depýtaty Darhan Káletaev pen Májilis depýtaty Omarhan Óksikbaev qatysady dep josparlanǵan.
Mekteptiń jalpy aýmaǵy 1000 sharshy metrdi quraıdy. Jańa sport mektebinde shahmat jáne toǵyzqumalaq úıirme zaldarynan basqa shyǵys jekpe-jek zaly, kúres zaly jáne jattyǵý zaly bar. Bul mektepte kıokýshınkaı karate, dzıýdo, djıý-djıtsý, taekvondo, boks, shahmat jáne toǵyzqumalaq sekildi sport úıirmeleri jumys isteıtin bolady.
Jańa sport zaly QR Ulttyq kıokýshınkaı-kan karate federatsııasynyń áleýmettik seriktesi - «Samruk-Kazyna Trust» áleýmettik jobalardy damytý qorynyń qoldaýymen ashylmaq. Qordyń bastamasymen mektepte tserebraldi sal aýrýyna shaldyqqan balalar sabaqtarǵa tegin qatysa alady.
