Astanada jańa saýda-logıstıkalyq ortalyq ashyldy
ASTANA. QazAqparat - Búgin Astana ákimi Áset Isekeshev jańa «Alaı bazary» kóterme-bólshek saýda bazarynyń ashylýyna qatysty.
Qala ákimdiginiń saıtynyń habarlaýynsha, saýda pavılonyndaǵy ónimderdiń túr-túrin óndirýshiler deldaldarsyz ótkizedi.
«Alaı bazary» Alash tasjolynda ornalasqan. Jalpy aýdany 85 ga jerde birneshe zal ornalasqan, munda et pen et ónimderin, sút ónimderin, kókónister men jemister, turmystyq taýarlar, oıynshyqtar jáne t.b. tómen baǵamen satyp alýǵa bolady.
- Biz Qazaqstan aýmaǵyndaǵy taýar óndirýshilerdiń bárin shyǵaramyz. Birinshi kezekte, Soltústik Qazaqstannyń fırmalyq dúkenderin shaqyramyz, sondaı-aq, Ońtústik Qazaqstan men Almaty oblystarymen yntymaqtastyq ornatamyz, - deıdi «Alaı bazarynyń» dırektory Aıgúl Otarǵalıeva.
Saýda pavılony aýmaǵynda 500 astam shaǵyn bıznes sýbektisi saýda jasaıdy, bazarǵa kólikpen de, avtobýspen de jetýge bolady. Turaq 2 myń kólikke arnalǵan, al qoǵamdyq kólik aıaldamasy bazarǵa jaqyn ornalasqan.
