Astanada jańa Otbasylyq densaýlyq ortalyǵy ashyldy
ASTANA. 14 qarasha. QazAqparat - Búgin Astana qalasynyń sol jaǵalaýynda kúnine 250 adam qabyldaıtyn Otbasylyq densaýlyq ortalyǵy ashyldy, dep habarlaıdy elordanyń resmı saıtynan.
№4 qalalyq emhananyń jalpy tájirıbedegi dárigerler bólimshesi (Shıpager) jańa ǵımaratta otbasylyq densaýlyq ortalyǵy bolyp qaıta quryldy. Burynǵy JTD bólimshesi 408 sharshy metr aýdandaǵy orynjaıda ornalasqan jáne bala men eresekterge qyzmet kórsetýge bólinbegen bolatyn.
Jańa Otbasylyq densaýlyq ortalyǵy Perınataldyq ortalyq bloktarynyń birinde ornalasqan jáne 2428 sharshy metr jerdi alyp jatyr. Bul jerde qalanyń 32 myń turǵynyna, sonyń ishinde 9 myń bala men 15 myń fertıldi jastaǵy áıelge medıtsınalyq-sanıtarlyq alǵashqy kómek kórsetiledi.
«Búgin tutastaı densaýlyq saqtaý salasy men qalanyń sol jaǵalaýyndaǵy turǵyndar úshin qýanyshty oqıǵa, 250 kisige arnalǵan Otbasylyq densaýlyq ortalyǵy ashyldy. Munda balalarǵa arnalǵan jeke kabınetter, egý jáne salaýatty ómir saltyn saqtaý kabınetteri ashyldy. ıAǵnı, bul jerde halyqaralyq tájirıbede qoldanylatyn naǵyz otbasylyq densaýlyq ortalyǵynyń barlyq qajetti atrıbýttary bar», - dedi astana.kz saıtyna bergen suhbatynda elordalyq Densaýlyq saqtaý basqarmasynyń basshysy Aıgúl Segizbaeva.
Turǵyndardy qabyldaý úshin Ortalyqta dárigerlik qabyldaý júrgiziletin ýchaskelik jalpy tájirıbedegi dárigerlerge 16 kabınet uıymdastyrylǵan. Budan basqa, ftızıatr kabıneti, deni saý bala kabıneti, 2 egý kabıneti, fýnktsıonaldyq dıagnostıka kabıneti jáne klınıkalyq-dıagnostıkalyq zerthana ashylǵan, sondaı-aq salaýatty ómir saltyn qalyptastyrý kabıneti ashylǵan.
«Otbasylyq densaýlyq ortalyǵynda balalarǵa keńes beriledi. Sonymen qatar, kúni boıy qan, nesep jáne bıomaterıaldar taldaýyn júrgizetin zerthana jumys isteıdi. Dárigerge deıingi qaralý jáne skrınıngtik kabınetter bolady», - dedi astana.kz saıtyna Otbasylyq densaýlyq saqtaý ortalyǵynyń mindetin atqarýshy Gúlnar Amrına.
Aıta keteıik, Ortalyqty ashý qalanyń sol jaǵalaýynda kórsetiletin medıtsınalyq kómektiń qoljetimdiligin joǵarylatýǵa jáne kólemin ulǵaıtýǵa yqpal etedi, qazirgi ýaqytta ol jerde emhanalyq uıym jetispeıdi. Ol jaqyn ornalasqan Prıgorodnyı, Telman, Zarechnyı kenti men saıajaı ýchaskelerine tirkelgen turǵyndarǵa qyzmet kórsetedi.
Jańa Otbasylyq densaýlyq ortalyǵy Rysqulov kóshesi, 8 mekenjaıynda Perınataldyq ortalyq bloktarynyń birinde ornalasqan.
