Astanada jańa Óner murajaıy ashyldy
ASTANA. KAZINFORM — Elordada jańa Óner mýzeıiniń saltanatty tusaýkeser rásimi ótti, dep habarlaıdy elorda ákimdiginiń resmı saıty.
Oǵan qalanyń gıdteri, ekskýrsovodtary, týroperatorlary jáne qalanyń týrıstik qaýymdastyqtary qatysty. Іs-shara barysynda ulttyq mýzykalyq aspaptardyń kórsetilimimen «Joshy» etno-folklorlyq ansambliniń kontserttik shoýy kórsetildi.
Sondaı-aq murajaı ekspozıtsııalary tanystyryldy. Mýzeıde 1600-den astam ulttyq mýzykalyq aspap qoıylǵan. Onyń ishinde sırek kezdesetin jáne umyt bola bastaǵan kóne aspaptar — jelbýaz, mes syrnaı, ýildek, tastaýyq jáne taǵy basqalar erekshe oryn alady. Bul aspaptardyń barlyǵy murajaı qyzmetkerleriniń qolymen jasalǵan.
Murajaı janynda Bolat Sarybaev atyndaǵy ǵylymı-zerthanalyq sheberhana jumys isteıtin bolady. Zamanaýı qural-jabdyqtarmen jabdyqtalǵan bul ortalyqta ulttyq mýzykalyq aspaptar ǵylymı negizde zerttelip, jańǵyrtylyp, kópshilikke usynylmaq.
Sonymen qatar munda ulttyq kıimder men bas kıimderdiń biregeı kollektsııasy da bar. Aýqymdy mádenı is-sharalar kezinde mýzeı qyzmetkerlerinen quralǵan JOSHY QAZAQ NATIONAL GROUP mýltıaspaptyq ansambli óner kórsetedi.
Aıta ketý kerek, murajaı XIX ǵasyrdyń sońynda salynǵan kóne mekteptiń ǵımaratynda ornalasqan. 1982 jyldan bastap nysan respýblıkalyq mańyzy bar tarıh jáne mádenıet eskertkishteri tizimine engizilip, memleket qorǵaýyna alynǵan bolatyn.
Osyǵan deıin Mekke murajaıynda qazaq tilindegi aýdıogıd engiziletinin jazǵanbyz.