Astanada jańa óndiristik baza salý jobasy aıasynda 50 jumys orny ashylady
ASTANA. KAZINFORM – Astana qalasynyń prokýratýrasy Investorlardyń quqyqtaryn qorǵaý komıtetiniń úılestirýimen óndiristik baza men qoıma salý jáne paıdalaný jobasyn júzege asyryp jatqan kompanııanyń múddelerin qorǵady. Bul týraly Qazaqstan Bas prokýratýrasynyń baspasóz qyzmeti habarlady.
Joba elordanyń logıstıkalyq ınfraqurylymyn damytýǵa baǵyttalǵan. Bul shara ekonomıkalyq tıimdilikti arttyryp, júkterdi tasymaldaý jáne saqtaý shyǵyndaryn tómendetýge yqpal etedi. Jobany iske asyrý nátıjesinde 50 jańa jumys orny ashylady.
Aldyńǵy kezeńde ınvestor elektrmen jabdyqtaý úshin tehnıkalyq sharttardy alý barysynda memlekettik organnyń negizsiz bas tartýyna tap bolǵan.
Astana prokýratýrasynyń aralasýynan keıin másele qysqa merzimde sheshilip, qajetti qujattar berilip, qurylys jumystary qaıta bastaldy.
Investıtsııalyq jobalardy qoldaý jáne bıznes quqyqtaryn qorǵaý máseleleri qadaǵalaý organynyń turaqty baqylaýynda tur.
Buǵan deıin elimizde farmatsevtıkalyq óndiris kólemi 8,2%-ǵa óskenin jazǵan edik.