Astanada jańa mýzeı ashylady
«Memleket basshysynyń Álemdik jáne dástúrli dinder lıderleriniń V cezinde bergen tapsyrmasyna sáıkes, 2017 jyly Beıbitshilik pen kelisim mýzeıin ashý josparlanǵan. Mýzeıdiń ashylýy konfessııaaralyq jáne ultaralyq kelisimdi nyǵaıtýǵa, adamzattyń damý máseleleri tóńireginde birlesip jumys isteýge, dinder men halyqtardy jaqyndastyrýǵa, álemdik jáne dástúrli dinder sezderinde aıtylǵan ıdeıalardy keńinen nasıhattaýǵa, sondaı-aq beıbitshilik pen kelisimge óz úlesterin qosyp júrgen uıymdardyń mártebesin kóterýge óz septigin tıgizedi»,- delingen mınıstrliktiń resmı habarlamasynda.
Aıta keteıik, 2015 jyly ótken Álemdik jáne dástúrli dinder lıderleriniń sezinde QR Prezıdenti Nursultan Nazarbaev Astanadaǵy Beıbitshilik pen kelisim saraıynda onymen attas murajaıdy ashýdy usynǵan bolatyn. Mýzeı sezdiń ǵylymı mekemesi retinde jumys istep, dinder men mádenıetter dıalogynyń tarıhyn zerdeleıdi degen jospar bar. Sondaı-aq sezde aıtylǵan barlyq ıdeıalardy keńinen nasıhattamaq.
Álemdik jáne dástúrli dinder lıderleriniń sezi Elbasynyń bastamasymen alǵash ret 2003 jyly ótti. Keleli forým ár úsh jyl saıyn ótedi. Oǵan 40-tan astam elden barlyq álemdik jáne dástúrli dinderge, sondaı-aq bedeldi dinı jáne halyqaralyq uıymdarǵa qatysy bar delegatsııalar qatysady.
