Astanada jańa meshit ashyldy

ASTANA. QazAqparat - Astanada ulttyq naqyshta bezendirilgen jańa meshit ashyldy, dep habarlaıdy QazAqparat elorda ákimdiginiń resmı saıtyna silteme jasap.

Jańa ǵıbadat orny Almaty aýdanynyń Ǵ. Mustafın kóshesinde ornalasqan. Qasbeti tutas aq mármar taspen kómkerilgendikten, «Aqmeshit» ataýyn ıelengen.

Ǵımarttyń basty ereksheligi - munaralarynyń sanynda. Klassıkalyq meshitterde olar tórteý bolady. Jańa meshitte eki munara bar jáne olar stılderi boıynsha túrli 3 sektsııadan turady.

   Keshen eki jobalyq ǵımarattan quralǵan 450 adamǵa arnalǵan meshit. Biraq, halyq kóp jınalǵanda myń adamǵa deıin syıady. Meshit ishinde erler men áıelderge arnalǵan ǵıbadat bólmesi, neke qııý bólmesi, Quran oqıtyn zal, meıramhana jáne máıithana bar.

Sonymen birge, meshit janynda 75 orynǵa arnalǵan medrese bar. Munda sabaq oqıtyn 9 aýdıtorııa men oqytýshylar men shákirtterdiń turýyna arnalǵan 28 bólme bar. Odan bólek, kitaphana, jattyǵý zaly, ashana, medıtsınalyq bólim, shashtaraz ben kir jýatyn jer bar. Bul oryndar Qazaqstannyń eshbir meshitinde qarastyrylmaǵan.

Qala ákimdiginiń habarlaýynsha, medreseni Qazaqstannyń negizgi rýhanı tárbıe berý ortalyǵyna aınaldyrý josparlanyp otyr.