Astanada jańa kóshe ashyldy
Astanada jańa kóshe ashyldy. Ol Turan dańǵyly men qalanyń jańa bóligine túsetin keptelisti azaıtady, dep habarlaıdy Kazinform elorda ákimdiginiń resmı saıtyna silteme jasap.
«Shaǵyn aınalma avtojol qurylysy» jobasyn iske asyrý aıasynda Syǵanaq kóshesinen Uly Dala dańǵylyna deıingi ýchaskede Aıtmatov kóshesiniń qurylysy júrip jatyr.
17 qarashadan bastap osy kóshede jol tósemi arqyly qozǵalys qamtamasyz etildi. Aıtmatov kóshesi segiz jolaqty bolady, qazirgi ýaqytta qozǵalys 4 jolaq boıynsha ashyq: ekeýi – bir jaqty, ekeýi – keri baǵytta.
Aıtmatov kóshesiniń ashylýy qalanyń jańa bóligindegi Turan dańǵylyna, Qabanbaı batyr dańǵylyna, Syǵanaq kóshesine, Q.Muhamedhanov kóshesine túsetin júktemeni aıtarlyqtaı azaıtady.
Uly Dala dańǵylyna shyǵatyn Aıtmatov kóshesiniń jalǵasyn salý boıynsha jumys, onyń ishinde kóshe jaryǵyn ornatý, irgeles aýmaqty abattandyrý jáne jol qozǵalysyn retteıtin belgilerdi tolyqtaı ornatý arqyly barlyq 8 jolaqta jol júrýdi qamtamasyz etý 2024 jyly jalǵasatyn bolady.
