Astanada jańa kókónis saqtaý qoımasy ashyldy
ASTANA. QazAqparat - Astana mańaıyndaǵy eldi mekenderdiń turǵyndaryn, elorda turǵyndaryn azyq-túlikpen qamtamasyz etý úshin arnaıy azyq-túlik beldeýi quryldy, oǵan irgeles jatqan óńirlerdiń aýyl sharýashylyq kásiporyndary kiredi, dep habarlady elorda ákiminiń resmı saıty.
Búgingi kúni qalada jalpy saqtaý syıymdylyǵy 29 myń tonna bolatyn kókónis saqtaýǵa arnalǵan jeti qoıma jumys isteıdi. Alaıda ázirge kókónistiń mundaı 60 myń tonna kólemi halyqtyń qajettilikterin tolyǵymen jappaıdy. Qalǵan qajettilikti jabý úshin qazirgi kezde 14,4 myń tonnaǵa eseptelgen tórt kókónis saqtaý qoımasy salynyp jatyr, olardyń bireýi osy jyly paıdalanýǵa daıyn.
Astana q. «AmalA2009» JShS dırektorynyń orynbasary Ábilov Talǵat:
- Ǵımarat osy jyly salyndy, ol Qazaqstannyń jergilikti óndirýshilerinen kókónis pen jemis-jıdekterdi qabyldap alýǵa tolyǵymen eseptelgen. Árqaısysynyń syıymdylyǵy jeti myń tonna bolatyn bólek oryndardan turady. Bizdiń kókónis saqtaý qoımamyzda Gollandııa óndirisi tehnıkasy paıdalanylady. Kókónister konteınerlerde saqtalady. Kókónister men jemis-jıdekterdi saqtaýǵa arnalǵan 10 sektsııa bar, 6 sektsııasy tońazytqysh jabdyqtar, onda tsıtrýs jemisteri, qııar men qyzanaq saqtalady.
Kókónisterdiń túrlerine qaraı saqtaý temperatýralary ár túrli, biraq 0°S-den aspaıdy. Kókónis saqtaý qoımalarynyń jabdyqtary ár sektsııada qajetti temperatýrany qoıýǵa, sonymen qatar oryn-jaıdaǵy aýanyń ylǵaldylyǵyn baqylaýǵa múmkindik beredi. Kókónis saqtaý qoımalarynda aýyl sharýashylyq ónimderin ustaý zııandy úıip saqtaý ádisimen salystyrǵanda keminde 20%-ǵa qysqarýǵa, sondaı-aq jyldyń qys mezgilinde áleýmettik mańyzy bar ónimderge baǵany ustap turýǵa múmkindik beredi. Kókónisterdiń basym bóligi «Shapaǵat» kommýnaldyq bazary arqyly satylady.
Alaıda kókónis saqtaý qoımalary jaz kezinde de bos turmaıdy. Qazaqstannyń ońtústik óńirlerinde jınalǵan mol ónim ýaqytsha saqtaý úshin tońazytqysh kameralaryna jyldyń ystyq mezgilinde neǵurlym uzaq ýaqytqa salynady.
Astana halqynyń jemis-jıdek kókónis ónimderin saqtaýǵa baılanysty qalǵan qajettiligi 2017 jyly jabylmaq.
