Astanada jańa qoǵamdyq keńistik paıda boldy
ASTANA. KAZINFORM – Elordada «Beıbitshilik jáne kelisim parki» atty jańa qoǵamdyq keńistik paıda boldy. Bul týraly Astana ákimdiginiń resmı saıty habarlady.
Bul keńistikte «Juldyzdy aspan» týnneli, «Ómir aǵashy» eskertkishi, Kaskadty sarqyrama qarastyrylǵan. Jobanyń negizgi ıdeıasy – ortasyndaǵy japyraqty emen aǵashy bar kúmbez túrinde jasalǵan «Ómir aǵashy» eskertkishi.
Tujyrymdamalyq tabıǵı-rekreatsııalyq aımaqty qurý álemdik jáne dástúrli dinder kóshbasshylarynyń VII sezine oraılastyrylǵan. Saıabaq tujyrymdamasy Qazaqstandaǵy túrli konfessııalar men ulttar arasyndaǵy yntymaqtastyqty, dostyq pen birlikti bildiredi.
Qoǵamdyq keńistik Táýelsizdik dańǵyly men Panfılov kóshesiniń qıylysynda, Esil ózeniniń boıynda ornalasqan.
Aıta ketsek, jyl basynan beri qala boıynsha barlyǵy 170 qoǵamdyq jáne aýla keńistigi abattandyryldy. Jumystyń basym bóligi aıaqtaldy.
