Astanada jańa qoǵamdyq keńistik ashyldy

ASTANA. KAZINFORM – Baıqońyr aýdanynyń Qoıandy saıajaı alabynda jańa qoǵamdyq keńistik ashyldy, dep habarlaıdy Astana ákimdiginiń resmı saıty.

Іs-sharaǵa tanymal sportshylar, elordalyq estrada ártisteri, sondaı-aq 100-den astam turǵyndar men saıajaı alabynyń balalary qatysty.

Jergilikti turǵyndar úshin estrada ánshileriniń qatysýymen merekelik kontsert uıymdastyrylyp, kásibı sportshylar sheberlik sabaqtaryn ótkizdi. Sondaı-aq, jergilikti turǵyndar arasynda fýtbol týrnıri ótkizildi.

Sonymen qatar, turǵyndar úshin merekelik dastarhan jaıyldy.

«Bul massıvte 2,5 myńnan astam adam turady. Buryn bul jerde qoǵamdyq keńistik múldem bolmaǵan. Bıyl alaptyń ortalyq alańy keshendi túrde abattandyrylyp, aýdany 2000 sharshy metr jańa qoǵamdyq keńistik quryldy», – dedi Baıqońyr aýdanynyń ákimi Talǵat Rahmanberdi.

Munda úlken fýtbol alańy, balalar oıyn alańy, workout alańy, balalarǵa arnalǵan arnaıy konkı alańy jáne shaǵyn basketbol alańy ornatyldy.

Aıta ketý kerek, 2023 jyly Qoıandy saıajaı alabynda aýqymdy jaryqtandyrý júrgizildi.

Sonymen qatar, bıyl kóshelerdi qıyrshyq taspen toltyrý boıynsha keshendi jumys júrgizildi.