Astanada jańa IT-ýnıversıtet ashylady
Jańa IT-ýnıversıtettiń ashylýy jaıynda Prezıdent Nursultan Nazarbaevtyń ózi habarlaǵan bolatyn. «Qazirgi kezde Nazarbaev ýnıversıteti, IT-tehnologııalar parki sııaqty aqparattyq klasterler bar. Búgin maǵan EKSPO negizinde jańa IT-ýnıversıtettiń ashylatyny jaıynda habarlady. Atalǵan joǵary oqý orny 2019 jyly 1 qyrkúıekten bastap iske qosylady», - dedi N.Nazarabaev Astana Hub halyqaralyq tehnoparkiniń ashylý rásiminde.
QR Aqparat jáne kommýnıkatsııalar mınıstrligi tsıfrlandyrý departamentiniń dırektory Nazgúl Bajaevanyń aıtýynsha, búginde Big Data boıynsha mamandar tapshylyǵy barynsha baıqalady. Jańa ýnıversıtette osy baǵytqa negizgi basymdyq beriledi.
«Biz aqparattyq tehnologııalar salasyndaǵy mamandarǵa degen suranysty zerdelep shyqtyq. Máselen, búginde Úkimettiń ahýaldyq ortalyǵy degen joba bar. Soǵan Big Data jáne jasandy ıntellekt boıynsha mamandar qajet. Qazaqstandyq ýnıversıtetter atalǵan baǵytta maman daıarlamaıdy. Biz dál osy pánderdi óz elimizde engizetin bolamyz», - dep atap kórsetti N.Bajaeva.
