Astanada jańa ınfektsııalyq aýrýhana salynady
NUR-SULTAN. QazAqparat – Elorda ákimi Altaı Kólginov 2022 jyly qalada jańa ınfektsııalyq aýrýhana salynatynyn aıtty, dep habarlaıdy QazAqparat tilshisi.
«Kovıdpen kúres aıasynda 16 statsıonar jumyldyrylǵan edi. Birinshi qalalyq aýrýhanany koronavırýspen kúreske tarttyq, sondaı-aq úshinshi qalalyq aýrýhanany, temirjol aýrýhanasy, barlyq gospıtalder qamtyldy. Qazirgi kezde indettiń taralý deńgeıi tómendedi, alaıda kelesi tolqyn qashan bolatynyn kim biledi?!» - dep toqtaldy A. Kólginov elorda máslıhatynyń kezekten tys sessııasynda.
Osy oraıda ol qalaǵa taǵy bir ınfektsııalyq statsıonar kerek ekenin aıtty.
«KVI-men jáne basqa da ınfektsııalarmen kúres boıynsha bizge jańa statsıonar kerek bolyp tur. Bizde tıisti tapsyrma bar, qazir osy másele turǵysynda jumys istep jatyrmyz, jobalaý-smetalyq qujatnama ázirlenip jatyr. Dárigerler men naýqastarǵa qolaıly jaǵdaı jasaý úshin onda tıisti nysandar eskeriledi», - dedi qala ákimi.
Budan buryn habarlanǵandaı, 2022 jyly elordada eski úılerdegi turǵyndardyń máselesi sheshiledi.
