Astanada jańa formattaǵy gastronomııalyq bazar salynady
ASTANA. QazAqparat - Astanada máskeýlik Danılov bazarynyń prıntsıpimen jumys isteıtin gastronomııalyq bazardyń qurylysy bastaldy, dep habarlaıdy QazAqparat Elorda Infoǵa silteme jasap.
Bazardyń basty ereksheligi - satyp alǵan azyq-túlikten bazardyń basynda kez kelgen taǵamdy daıyndatyp jeýge bolady.
Máskeýdegi Danılov bazary qala turǵyndarymen birge týrısterdiń súıikti jerleriniń biri. Sebebi, onda azyq-túlikti satyp alyp, bazar aýmaǵyndaǵy dámhanalarda daıyndatyp tamaq ishýge bolady. Bazarda túrli jármeńkeler, gastronomııalyq festıvalder men belgili bas aspazdardyń sheberlik sabaqtary jıi ótkiziledi.
«Ol adamdar tek jańa pisken ári sapaly azyq-túlik alý úshin ǵana emes,ýaqytty kóńildi ótkizý úshin baratyn jer. Danılov bazary tek saýda-sattyq jasaıtyn jer ǵana emes, dos-jarandarmen kezdesip, dámdi taǵam jep demalatyn oryn. ıAǵnı, ol tutynýshynyń mentalıtetin tutas ózgertedi», - dedi Astana qalasynyń Investıtsııalar jáne kásipkerlikti damytý baqsarmasy basshysynyń orynbasary Rysgúl Qaýǵabaeva.
Aıta keteıik, búgingi kúni Máskeýdegi Danılov bazarynda 30-dan astam meıramhana men dámhana bar. Onda azyq-túlik satyp alýmen birge túrli ulttardyń ashanasynan dám tatýǵa bolady.
Astanada ashylatyn jańa gastronomııalyq bazarda da túrli ónimder men taǵamdar bolady dep josparlanyp otyr. Sebebi, jańa gastronomııalyq bazar úzdik fermerlik ónimdermen birge álemniń túkpir-túkpirinen túrli delıkatesterdi usynatyn bolady.
Saýda ortalyǵynda azyq-túlikti saqtaýǵa qajetti tońazytqyshtar, qoıma. taýar túsiretin oryndar men ónimderdi bólip, tuzdaý oryndary bolady. Satýshylar zamanaýı saýda sórelerimen qamtylady.
Jańa gastronomııalyq bazar Saryarqa aýdanynda Sh.Aıtmatov kóshesi men 189 kósheniń qıylysynda bolady. Bazar 2019 jyly ashylady dep kózdelip otyr.
