Astanada jańa ekspress marshrýt iske qosyldy
ASTANA. QazAqparat - Jolaýshylardyń ákimshilik ortalyq, áýejaı baǵytynda jedel tasymaldaýdy uıymdastyrý jónindegi ótinishine jáne jolaýshylar aǵynynyń ósýine baılanysty 2014 jylǵy 20 qarashadan bastap № 53e qalalyq ekspress marshrýt iske qosyldy, dep habarlady Astana qalasynyń Jolaýshylar kóligi jáne avtomobıl joldary basqarmasy.
Ekspress marshrýt temirjol vokzalynan Astana qalasynyń halyqaralyq áýejaıyna deıin myna syzba boıynsha júredi:
Bastapqy pýnkt - t/j vokzaly, budan ári - Birjan sal k-si - Jeńis dańǵyly -Seıfýllın k-si - Respýblıka dańǵyly - Tashenov k-si - Shalqyma k-si - «M-1» kópiri - Orynbor k-si - Qonaev k-si - Turan dańǵyly - Dostyq k-si - Qabanbaı batyr dańǵyly - sońǵy aıaldama «Astana halyqaralyq áýejaıy». Avtobýs osy syzba boıynsha qaıtady.
Aralyq aıaldamalar: K.Baıseıtova atyndaǵy opera jáne balet teatry, Óner ýnıversıteti (mýz. akademııa), BTA bank, «Samal» shaǵyn aýdany, «Ata túrik» baǵy, Mınıstrlikter úıi, QTJ, Kardıohırýrgııa klınıkasy, Astana-Arena, Nazarbaev ýnıversıteti, «Prıgorodnyı» turǵyn alaby. Ekspress marshrýttaǵy jolaqy quny: jalpy - 120 teńge, balalar úshin - 60 teńge, jeńildikti jáne balalar men eresekterge arnalǵan jol júrý bıletteri jaramsyz bolyp tabylady.
Astana qalasynyń Jolaýshylar kóligi jáne avtomobıl joldary basqarmasy, № 53e jańa ekspress marshrýty jańa jaıly avtobýs, onda jolaýshylarǵa arnalǵan yńǵaıly oryndar jasalǵan. Jaqsy oılastyrylǵan qozǵalys syzbasy baǵdar boıynsha tez júrýge múmkindik beredi. Bul qaladaǵy osyndaı ekinshi ekspress marshrýt: kóktemde № 52e marshrýty iske qosylǵan bolatyn, dep jazady elorda ákimdiginiń resmı saıty.
