Astanada jańa balalar kitaphanasy ashyldy
ASTANA. KAZINFORM — Astana qalasynda Respýblıka kúni qarsańynda qalalyq Ortalyqtandyrylǵan kitaphanalar júıesine qarasty jańa № 7 balalar kitaphanasy ashyldy, dep habarlaıdy Astana ákimdigi.
Saltanatty ashylý rásimine fılologııa ǵylymdarynyń doktory, akademık, Ulttyq quryltaı múshesi Kárimbek Qurmanálıev, Qoǵamdyq keńes músheleri Baqdaýlet Jandildaev pen Azamat Ospanov, sondaı-aq «Saraıshyq» aýdany ákimdiginiń jáne Mádenıet basqarmasynyń ókilderi qatysty.
Jańa kitaphana zamanaýı oqý zaly, ınteraktıv jáne kovorkıng aımaqtarymen jabdyqtalǵan. Kitap qory kórkem, anyqtamalyq, entsıklopedııalyq jáne shetel ádebıetterin qamtıdy.
Nysan «Saraıshyq» aýdanynda, A-91 kóshesi, 17-úı mekenjaıynda ornalasqan.
Memleket basshysy Qasym-Jomart Toqaevtyń tapsyrmasyna sáıkes, elordada kitaphana júıesin jańǵyrtý jumystary júıeli túrde júzege asyp keledi. 2023 jyly Astanadaǵy 4 kitaphana jańǵyrtyldy. 2024 jyly taǵy 4 kitaphana jóndeýden ótip, 4 jańa kitaphana qala turǵyndarynyń ıgiligine berildi.
Bıylǵy jyly elordada 3 kitaphana jańǵyrtylyp, 3 jańa kitaphana ashyldy. Nátıjesinde, Astanadaǵy kitaphanalar sany 25-ke jetti.
Sonymen qatar, oqyrmandar qatary 90 myń adamǵa artyp, elorda turǵyndarynyń kitap oqýǵa degen qyzyǵýshylyǵy aıtarlyqtaı ósti.
Osydan buryn Ákim Tarazı turǵan úıge eskertkish taqta ornatylǵanyn jazdyq.