Astanada jańa avtobýs marshrýttary ashylady
ASTANA. QazAqparat – Astana ákimi Jeńis Qasymbek Baıqońyr aýdanynyń turǵyndarymen kezdesýinde qalada jańa avtobýs marshrýttaryn ashý múmkindigi týraly aıtty, dep habarlaıdy QazAqparat tilshisi.
Kezdesý barysynda turǵyndar qoǵamdyq kólik máselesin sheshý úshin jańa marshrýttar qashan ashylatynyn surady.
«Bıyl biz avtobýstar parkin 25 paıyz jańartýdy josparlap otyrmyz. Alǵashqy avtobýstar jazda kele bastaıdy. Sol avtobýstar kóshede paıda bolǵan kezde-aq qosymsha marshrýtttardy iske qosamyz. Jalpy bıyl qalaǵa 300-den 500-ge deıin avtobýs satyp almaqshymyz. Bul qazir bar avtobýstardyń 25-30 paıyzy degen sóz», - dedi Jeńis Qasymbek.
