Astanada jańa aýyz sý stantsııasynyń birinshi kezeńi iske qosyldy

ASTANA. QazAqparat - Astanada jańa aýyz sý stantsııasynyń (SSS-3) birinshi kezeńi iske qosyldy. Bul qalaǵa táýligine 35 myń tekshe metr sý berýge múmkindik beredi, osylaısha qaladaǵy sý tapshylyǵy máselesi tolyǵymen sheshiledi, dep habarlaıdy QazAqparat qala ákimdigine silteme jasap.

Stantsııanyń qurylys-montajdaý jumysy aıaqtalyp, gıdro synaqtar júrgizildi. Іske qosý-baptaý jumysy aıaqtalyp, sý daıyndaý júıesine testileý júrgizilip jatyr.

Tamyz aıynda SSS-3 ekinshi kezeńin bastaý josparlanyp otyr, bul birinshi kezeńimen birge eseptegende táýligine 100 myń tekshe metrden astam sý beredi. Osyǵan deıin qalada sý qubyrynyń qurylysy aıaqtalyp, iske qosylǵan, bul sýdyń qysymyn arttyrýǵa jáne júıeniń turaqtylyǵyn qamtamasyz etýge múmkindik berdi.

Budan bólek Nura jerasty sý ken ornynan sý qubyryn jobalaý jáne Telman eldi mekenindegi sorǵy-súzgi qýatyn keńeıtý aıaqtalýda. Bul jobalar keleshekte Astanany aýyz sýmen qamtamasyz etý boıynsha qosymsha qýat beredi.

Sondaı-aq, qalany jylýmen jabdyqtaýdyń qosymsha kólemimen qamtamasyz etý úshin eki gaz jylý stantsııasynyń («Turan», «Ońtústik-Shyǵys») qurylysy júrip jatyr. Sondaı-aq, JEO-3-te jumys júrgizilýde, onyń qurylysy keshiktirildi. Bul nysandardy jańa jylytý maýsymyna deıin aıaqtaý josparlanyp otyr.