Astanada jańa áýejaıdyń qurylysy kelesi jyly bastalady
ASTANA. KAZINFORM — Elordada jańa áýejaıdyń qurylysy kelesi jyly bastalmaq. Bul týraly Úkimet otyrysy barysynda Kólik mınıstri Nurlan Saýranbaev habarlady.
Mınıstrdiń aıtýynsha, Astana áýejaıyn jańǵyrtý — birinshi kezektegi mindetterdiń biri.
— Qala ákimdigi tarapynan qajetti daıyndyq jumystary júrgizilip jatyr, qurylys kelesi jyly bastalady, — dedi mınıstr.
Sonymen qatar mınıstr aldaǵy úsh jyl ishinde Qazaqstanda áýejaı ınfraqurylymyn jańǵyrtý jumystary júrgiziletinin atap ótti.
Sonymen birge, mınıstrdiń aıtýynsha, áýe habtaryn damytý qazirgi ýaqytta eldiń alty iri áýejaıyna shoǵyrlanǵan.
— Olar Almaty, Astana, Aqtaý, Aqtóbe, Qaraǵandy jáne Shymkent qalalaryndaǵy áýejaılar. Bul baǵytta qajetti ınstıtýtsıonaldyq jáne ınfraqurylymdyq jaǵdaılar jasalyp jatyr, — dep tolyqtyrdy mınıstr.
Buǵan deıin Nurlan Saýranbaev sońǵy bes jylda kólik salasynyń jalpy ónimi úsh esege artqanyn aıtqan edi.
