Astanada jańa áýejaı salý múmkindigin qarastyrý qajet — Prezıdent
ASTANA. KAZINFORM — Qasym-Jomart Toqaev qalanyń kólik-tranzıt áleýetin arttyrý úshin jańa áýejaı salý múmkindigin qarastyrý qajet ekenin atap ótti. Bul týraly Aqordanyń baspasóz qyzmeti málimdedi.
Prezıdent Úkimetke ákimdikpen birge osy máseleni muqııat pysyqtap, naqty usynys engizýdi tapsyrdy
— Jýyrda biz elimizde tolyqqandy avıahabtar qalyptastyrý máselesin qarastyrdyq. Sonyń ishinde elorda áýejaıyna qatysty jumys ta bar. Biraq Qazaqstanda óndiriletin avıa janarmaı kólemi jetkiliksiz. Osy jaǵdaı avıahabtardy damytýǵa kedergi bolýy múmkin. Sondyqtan Úkimet avıa janarmaı óndirisin arttyrý úshin naqty sharalar qabyldaýy tıis. Bálkim, jańa munaı óńdeý zaýytyn salý kerek shyǵar. Onyń artyqshylyǵy da, kemshin tustary da bar. Úkimet osyǵan qatysty óz ustanymyn aıqyndap, naqty sheshim qabyldaýy qajet, — dedi Memleket basshysy.
Buǵan deıin Toqaev iri qalalar men oblys ortalyqtaryna jaqyn jerlerde ekosaıabaqtar qurýdy tapsyrdy.
Sondaı-aq Memleket basshysy Qasym-Jomart Toqaev Astanany damytý jónindegi keńeste sóılegen sózinde qaldyqtardy qaıta óńdeýdiń zamanaýı júıesin qalyptastyrýdy jedeldetý kerektigine nazar aýdardy.
